Айта кетейік, Бағдат Әбдіқожаева 1980 жылы Қызылорда облысы, Шиелі ауданының Н.Бекежанов ауылында дүниеге келген. Қорқыт ата атындағы ҚМУ-дың түлегі. Еңбек жолын Қызылорда облыстық телеарнасында бастаған. Сондай-ақ, бірнеше жыл бойы «Хабар» агенттігінің Қызылорда облысы бойынша меншікті тілшісі қызметін атқарды. «Мәслихат», «Ауыл», «Майданнан хат», «Қазақстан астаналары» хабарларын дайындап, өз шеберлігін мойындатқан қара орман халықтың сүйікті қызы. Елбасы, Н.Назарбаевтың, Қызылорда облысы әкімдерінің, ҚР Көлік және коммуникация министрлігінің алғыс хаттары мен арнайы дипломдарының иегері. Бұл күнде «Хабар 24» теларнасында «Әлем» бағдарламасының авторы, аймақтық тілшілер желісінің бас редакторы қызметін абыроймен атқаруда.