Дүйім жұртты аузына қаратып, бұқара халықтың мұңын мұңдап, жоғын жоқтаған жерлесіміз Мейірбек Сұлтанхан марапат төрінен көрінді. Астана қаласының 20 жылдығы және ҚР Тәуелсіздік күні мерекесі қарсаңында өткен «Алтын домбыра-2018» ақындар айтысында жүйелі сөзбен жүлделі ІІ орынды иеленген Мейірбектің кеудесіне ҚР Мәдениет және спорт министрі Арыстанбек Мұқамедиұлы «ҚР Мәдениет саласының үздігі» төсбелгісін қадады.