Өскен өңір Шиелi аудандық қоғамдық-саяси газет
» » Тәуелсіздік – тәу етер жалғыз кием!

Тәуелсіздік – тәу етер жалғыз кием!

Еліміз тәуелсіздіктің бесігінде тербелгелі 30 жыл. отыз жыл ішінде Қазақстан етек-жеңін жиып, шекарасын бекітіп, өз алдына дербес зайырлы ел болды. Бұл атадан келе жатқан ұлы жеңістің жемісі. 1991 жылы 16 желтоқсанда егемендігін алған еліміздің өз президенті, ұлты мен ұлысы, салты мен дәстүрі, мәдениеті мен экономикасы болды. Желтоқсанның желі мен ызғарына қарсы тұрған жастардың жалынды рухы мен ерліктерінің арқасында шаңырағы биік, керегесі кең мемлекет болып қалыптастық.
Тәуелсіздік – ата-бабаның рухын көтерген, ата тарихымызды, ана тілімізді, дінімізді, ділімізді қаз-қаз тұрғызып, «қазақ» деген атауға қан мен жан кіргізген, «Отан» деп жүрегімізді қақтырған, «Елім» деп елеңдетіп, «жерім» деп желпінтіп, барша алпыс екі тамырымызды игізіп, ата жұртты сүйдірген – киелі ұғым.Тәуелсіздігімізді алғалы бері еліміздегі әр өңір үшін бұл күн айтулы датаның біріне айналған. Тәуелсіздік мерекесі жақындай бастағаннан-ақ Республикалық деңгейде түрлі іс-шаралардың ұйымдастырылатыны сөзсіз. Солардың бірі де бірегейі Шиеліде Шахарында өткен Республикалық фестиваль.
Өткен аптаның сенбісінде тәуелсіздіктің 30 жылдығына орай Шиелі кенті әкімі аппаратының қолдауымен «Арман» мәдениет үйі КМҚК-ның ұйымдастыруымен Қазақстан Республикасы Тәуелсіздігінің 30 жылдығы және «Болашаққа бағдар: рухани жаңғыру» атты бағдарламалық мақаласы аясында «Тәуелсіздік – тәу етер жалғыз кием!» атты республикалық поэзия фестивалі өтті. Фистивальды аудан әкімінің орынбасары Алмасбек ­Есмаханов ашып берді. Киелі мекенге республикамызға белгілі азулы ақындар келіп, жүрек қылын қозғайтын өлең жолдарын оқыды. Атап айтар болсақ, Мөлдір Айтбай, Мақсат Дауылбай, Ғабит Кәдірбай, ­Перизат Мұқат, Әлішер Әлімжан, Ботакөз Мұхиден, Назгүл Бердіқожа, Ұлықбек Тәңірбергенов, Сабыржан Ахан, ­Айбану Қалиева, Зылиха Жаңабай, Айдар ­Сайлауов, Яхуда Аружан, Ержан Бекжігіт қатысып, бұрын жарияланбаған арнау өлеңдерін көрермен қауымға ұсынды. Ақындардың Тәуелсіздік тақырыбындағы жыр-шумақтары шараға қатысушылардың көңілінен шықты.
Фестиваль соңында аудан әкімінің орынбасары А.Есмаханов өнерпаздарға шығармашылық табыс тілеп, арнайы алғыс хатпен және қаржылай сыйлықтармен марапаттады.

Сымбат СҰЛТАН
30 қараша 2021 ж. 400 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам