Бейсенбі күні «Nur Otan» партиясы Шиелі аудандық филиалы мәжіліс залында облыстық мәслихат депутаты, «Сыр медиа» ЖШС бас директоры Аманжол Оңғарбаев аудан халқының мұң-мұқтажын тыңдады.
Халықпен кері байланыс орнату, олардың көкейіндегі мәселелердің шешілу жолдарын қарастыру мақсатында арнайы Шиелі ауданына келген облыстық мәслихат депутаты А.Сақыпұлы зейнеткер Ж.Ахметұлының зенетақы күнін айдың басына ауыстыру мәселесін талқылады. Зейнетақы төлеу орталығының маманы Ғ.Ембергенов бұл мәселеі шешуге болатынын айтса, келесі Р.Ержанованың Өзбекстаннан зейнетақы қорындағы қаржыны ала алмауының себебін түсіндірді. Қабылдауға келген алғабастық жалғызбасты ана Ш.Әділова болса 2012 жылдан бері тұрғын үй кезегін күтіп шаршағанын тілге тиек етті. Осындай сан түрлі мәселенің мән-жайымен танысқан мәслихат депутаты, алдағы уақытта оңды шешім шығаруға жұмыс жасайтынын жеткізді.