Майлытоғай ауылдық округінде таңғы сағат 7:00-де ауыл әкімін сайлауға байланысты дауыс жинау басталып кетті. Мұнда бес бақылаушы бекітілген. Соның бірі – "Nur Otan" партиясы Шиелі аудандық филиалы атынан келген Халықбек Әлтай болса, бірі журналист Рыскелді Жахман.

Ал, ауылда алғашқылардың бірі болып дауыс берген Жағыпбар Құрмантаев таңдаған үміткерінің көп дауыс жинап, ауыл әкімі атанады деген үміті зор. Сондай-ақ, таңдаған азаматы белсенділік танытып, ауылды көркейтеді деген сенімде.