Елімізге, жалпы адамзат баласына аса ауыр тиіп жатқан «Тәж» вирусы биылғы жылдың наурыз айынан бері қаншама жанның басына ауыр нәубет пен қиындық, қаншама отбасына қайғы әкеліп жатқаны баршамызға белгілі. Мұндай қиындықтан жұрт болып жұмыла жұмыс 3степ, қатаң карантин шараларын ұстанумен бірге ауруханаларда дем жетпей өмір мен өлім арасында жатқан бауырларымызға қол ұшын созу жай ғана жомарттық емес, қамқорлықтың асқақ үлгісі болып табылады.

Үнемі үлгілі де жарқын ісімен аудан жұртшылығына танымал болып жүрген «Семізбай-U» ЖШС-нің ұжымы – бұл нәубетке дейін де аудан жұртшылығына қамқорлық танытуда біршама белес биігінен көрініп келе жатқан ұжым.

Ел басына туған қазіргі қиын кезде де қайырымдылық жасау бағытынан алыстамайтын ұжым мүшелері, атап айтар болсақ, «Семізбай-U» ЖШС бас директоры - Қияқбай Олжас Бауыржанұлы басшылығымен, «Семізбай-U» ЖШС-ның медициналық мекемелерге әлеуметтік көмек көрсету аясында індетке қарсы тұрып, аты жаман вируспен күресті күшейту мақсатында жалпы құны – 2 035 000,00 теңге тұратын 2000 медициналық бетперде, 100 қорғағыш комбинезон, 2 оттегі концентраторы, обаға қарсы 10 қорғаныш костюмі алынды.

Вирусқа қарсы тұрар аталған қажетті заттарды «Иіркөл» филиалының директоры - Салқынбаев Мұқанбетжан, бас инженері –Қалымбетов Жарасхан, өндіріс басқармасының басшысы – Асауов Әлібек Шиелі ауданаралық ауруханасында аудан халқының денсаулығы үшін күні-түні тыным таппай еңбек етіп жүрген медицина саласының қызметкерлеріне жеткізіп, ризашылығына бөленді.

«Адамның шын мағынасындағы білімді болу үшін үш қасиет қажет – кең көлемді білім, ойлай білу және қайырымдылық сезім» деп орыс ойшылы Н.Чернышевский айтқандай, ізгі ұстанымды өздерінің өміріне ұлағат ете білген «Семізбай-U» ЖШС-нің ұжымы әрқашанда туған елімен бірге барша қауымның бақытты күн кешуі жолында өнегелі ісімен алдағы кезеңдерде көріне беретіндігіне сеніміміз мол.