Бүгін денсаулық сақтау министрі Алексей Цой Үкімет отырысында еліміздегі коронавирус инфекциясына байланысты эпидемиология жағдайын баяндады.

Tengrinews.kz порталының хабарлауынша, ол қазіргі қатаң санитария-дезинфекция режимін сақтай отырып, 3 тамыздан бастап рұқсат етілетін нысандардың жұмысы туралы айтты.

Денсаулық сақтау министрінің айтуынша, қатаң санитария-дезинфекция режимі нормаларын сақтаған жағдайда, маска тағу және әлеуметтік қашықтық сақталған жағдайда 2020 жылғы 3 тамыздан бастап инфекция репродуктивтілігі бірліктен аз болған жағдайда, сондай-ақ апта ішінде төсек-орындардың 70%-тен төмені бос болмаса, өлім деңгейі түссе, келесі инфрақұрылым нысандарының қызметіне рұқсат етіледі:

– Жұмыс істеу уақыты және күнін шектей отырып, сауда-ойын сауық орталықтары, сауда орындары, сауда орталықтары, жабық азық-түлік және азық-түлік сатпайтын базарлар;

– Әр топта 5 адамнан аспайтын балалар коррекциялық орталықтар, үйірмелер, білім беру орталықтары, мектепке дейінгі білім беру мекемелері кезекші топтарды ашу режимінде;

– Алдын ала жазылып, сұлулық салондары, шаштараздар, косметика және косметология қызметін көрсететін сұлулық орталықтары, маникюр және педикюр;

– Мемлекеттік органдар және басқа да ұйымдар, кеңсе қызметкерлері 80/20 пайыз көрсеткішпен жұмыс істеу керек;

– Таза ауада қашықтық сақтай отырып, жеке және топтық жаттығулар жасау; Сонымен бірге ұлттық құрамалар 30-дан астам адам жиналмай, жаттығу жасауға;

– Көшелерде, парктерде, саяжайларда 3 адамнан артық емес топпен серуендеуге;

– Қоғамдық көліктер уақыты шектеулі, маска тағу, кондуктор болу, санитарлық нормаларға сай және 50 пайыздан көп адам отырғызбай жұмыс істеу;

Мына нысандардың жұмысына тыйым салынады:

– Жаппай адам жиналатын шараларға, кинотеатрлар, фудкорттар, көңіл көтеретін ұйымдар, банкет залдары, ресторындар, барлар, түнгі және ойын клубтарының жұмысына әлі де тыйым салу;

– Мәдени шаралар, конференция өткізу, форум, көрме өткізуге тыйым салу;

– Бассейн, фитнес орталықтар, бассейндер, аквапарктер, саяжайлардың жұмысына тыйым салу;

– Діни нысандардың жұмысына тыйым салу;