Облыстық «Жастар күні» байқауында аудан абыройын асқақтатып жүрген спортшылардың жетістіктері таныстырылды. Байрақты бәсекеде жүлделі болып жүрген жеткіншектер №10 балалар-жасөспірімдер спорт мектебінің шәкірттері. Айта кетейік, қазіргі таңда осы спорт мектебі 14 спорт түрінен сабақ береді. Мектепте 1602 оқушы шынығуда. Шара қарсаңында спортшылар өз өнерлерін көрсетті. Әсіресе таеквонда спортының әдіс-қимылдарын жасаған жеткіншектер көпшіліктің қошеметіне бөленді. Сонымен қатар, қатысушы қонақтар Шиелі индустриалды-аграрлық колледжі жанынан құрылған «Жас қыран» сарбаздарының арнайы жаттығу жұмыстарын тамашалады. Сарбаздар мен спортшыларға келушілер сәттілік пен толымды табыстар тіледі.