Аудан әкімі Әшім Оразбекұлы «Nur Otan» партиясы Шиелі аудандық филиалы ғимаратының қоғамдық қабылдау бөлмесінде, сонымен қатар аудан әкімдігі ғимаратының бірінші қабатында орналасқан «OPEN SPACE» кабинетінде аудан тұрғындарын жеке мәселелері бойынша қабылдады.

Қабылдауға алдын ала жазылып, өтініштерін айтқан аудан тұрғындары мемлекет тарапынан тұрғын үй, жер алуға байланысты және түрлі әлеуметтік, тұрмыстық мәселелерін алға тартты.

Қабылдау барысында аудан әкімі әрбір тұрғынның жеке мәселесін тыңдап, бірқатарына заңдылыққа сәйкес жауап берді.

Сонымен қатар, бірқатар жұмыс сұраушыларға бос жұмыс орындарын ұсына отырып, мәселесін шешу үшін тиісті бөлім басшыларына тапсырмалар жүктеді.