Фронт-офис жұмысын бастады
Шиелі ауданының Полиция бөлімінде фронт-офис ашылды. Қазіргі таңда аталған баспасөз бұрышы жұмысын қарқынды бастап кетті. Бұл орталық Қазақстан Республикасы Ішкі істер министрлігінің нұсқауына сәйкес әрі қоғамның сұранысы бойынша ұйымдастырылған.Фронт-офис Шиелі кенті, М.Шоқай көшесіндегі №5 ғимаратта, яғни, полиция бөлімінің бірінші қабатынан ашылды. Қазіргі таңда арнайы жасақталған кеңесші-мамандар халыққа сапалы қызмет көрсетуде. Сонымен қатар бөлім бастығымен бекітілген арнайы кестеге байланысты мемлекеттік қызмет көрсету салалары бойынша азаматтарға заң тұрғысында әр түрлі кеңес береді. Шиелі ауданының полиция бөлімінің фронт-офисінде бөлім бастығы, полиция подполковнигі Серік Тоқтыбаев әр айдың соңғы аптасының сәрсенбі күні азаматтардың сұрақтары бойынша қабылдау жүргізетін болады.
«Өскен өңір» ақпарат.
