UFC Fight Night 143 турнирі "QAZSPORT" арнасының тікелей эфирінде 
3 ақпан күні(Астана уақытымен) Бразилияның Форталезе қаласында аралас жекпе-жектен UFC Fight Night 143 турнирі өтеді. Жекпе-жек кешінің басты кездесуі аса жеңіл салмақтағы қос бразиялиялық Рафаэль Ассунсао мен Марлон Мораес арасындағы реванш болмақ. 
Сондай-ақ, жекпе-жек кешінде көрермендерді тағы да бір тартысқа толы кездесу күтіп тұр. Жарытылай жеңіл салмақтағы экс-чемпион Жозе Альдо отандасы Ренато Мойканомен күш сынасады. 
UFC Fight Night 143 турнирінің басты жекпе-жектері: 
Рафаэль Ассунсао - Марлон Мораес; 
Жозе Алдо - Ренато Мойкано; 
Демина Майя - Лайман Гуд; 
Чарльз Оливейра - Дэвид Теймур; 
Джонни Уокер - Джастин Ледет; 
Ливинья Соуза - Сара Фрота. 
Турнирді тікелей эфирде 3 ақпан күні сағат 06:55-тен бастап "QAZSPORT" арнасының тікелей эфирінен тамашалай аласыздар.