Елеусіновтің бесінші жекпе-жегі «Хабар» арнасының тікелей эфирінде көрсетіледі

Қазақстандық Данияр Елеусіновтің (4-0, 2 КО) кәсіпқой рингтегі бесінші жекпе-жегін «Хабар» арнасы тікелей эфирде көрсетеді.
Қазақстандық боксшының қарсыласы никарагуалық Маркос Мохика (16-2-2, 12 КО).
Жекпе-жек сегіз раундтық болады. Елеусіновтің бұған дейінгі төрт жекпе-жегі де алты раундтан болған.
Елеусінов - Мохика жекпе-жегі қарашаның 24-інен 25-іне қараған түні «Казино де Монте-Карлодағы» бокс кешінде болады. Бұл кештің басты жекпе-жегінде алғашқы ауыр салмақтағы бұрынғы әлем чемпионы ресейлік Денис Лебедев (31-2, 23 КО) америкалық Майк Уилсонмен (19-0, 8 КО) жұдырықтасады.
«Хабар» арнасындағы трансляция Астана уақытымен 01:00-де басталады.
24.kz