Қанат Исламның келесі жекпе-жегіндегі қарсыласы анықталды
23 маусымда болатын жекпе-жекте Қанат Исламның қарсыласы кім болатыны белгілі болды, деп хабарлайды Baq.kz ақпарат агенттігі zakon.kz сайтына сілтеме жасап.
Қанат Исламның қарсыласы – 27 жастағы мексикалық Фернандо Каркамо. Жекпе-жек Лос-Анджелестегі Belasco Theatre ойын-сауық кешенінде (АҚШ, Калифорния штаты) өтеді және он раундқа есептелген.
Каркамо екі титулды жекпе-жек өткізген: 2012 жылы америкалық Фидель Мальдонадоны накаудқа түсіріп, WBC Silver «жастар» белдігіне ие болса, екі жыл өткеннен кейін ресейлік Петр Петровпен жекпе-жекке шығып, одан накаудпен жеңіліп қалған.
Оның соңғы жекпе-жегі 2017 жылы 13 қазанда болды. Үшінші раунда ол отандасы – Эмилио Канисалесті накаудқа түсірді.
