Қазақстандық спортшы АҚШ-тың 14 дүркін чемпионын нокаутқа жіберді
Нұр-Сұлтан, BAQ.KZ. Гамбургтегі (Германия) Universum gym аренасында бокс кеші өтті. Кештің басты жекпе-жегінде қазақстандық ауыр салмақтағы (90,7 кг-нан астам) Жан Кособуцкий АҚШ-тың 14 дүркін чемпионы Джоуи Давейкомен қолғап түйістірді, деп хабарлайды zakon.kz.
Ауыр салмақтағы он екі раундтық жекпе-жекте Кособуцкийге тиесілі WBA International нұсқасы бойынша чемпионның белбеуі болды. Қазақстандық спортшы екінші раундта мерзімінен бұрын нокаутпен жеңіске жетті.
Ауыр салмақтағы WBA International титулын Кособуцкий осы жылдың 20 ақпанында Гамбургте өткен алдыңғы жекпе-жегінде жеңіп алған еді. Бұл жекпе-жекте Жан төртінші раундта нигериялық Онориоде Эвариемді нокаутқа жіберген болатын (18-2, 17 КО). https://baq.kz
