Жүкембаев екінші раундта жеңіске жетті

Жүкембаев екінші раундта жеңіске жетті Қазақстандық кәсіпқой боксшы Батыр Жүкембаев мексикалық Рикардо Лараға қарсы жекпе-жекте жеңіске жетті. Отандасымыз екінші раундта қарсыласын нокаутпен ұтып шықты. Екі боксшы Монреальдағы бокс кешінің басты жекпе-жегінде жұдырықтасты. Қазақстандық боксшы қарсыласын екінші раундта екі рет нокдаунға түсірді. Нәтижесінде төреші жекпе-жекті тоқтатты. Батыр бастапқыда аргентиналық боксшы Максимилиано Рикардо Веронмен кездесуі керек болған. Бірақ қарсыласы виза алуда қиындыққа тап болған. Батыр Жүкембаев WBA Continental Americas және IBF Inter-Continental чемпиондық атақтарын қорғауы керек болған. Бірақ кейіннен өтпейтін болды.