Өскен өңір Osken-onir.kz ақпараттық агенттігі
» » СЫР СПОРТШЫЛАРЫ ТАБЫСТЫ ОРАЛДЫ

СЫР СПОРТШЫЛАРЫ ТАБЫСТЫ ОРАЛДЫ


Ресейдің Медынь қаласында ересектер арасында әмбебап жекпе-жектен өткен әлем чемпионатынан жерлестеріміз табысты оралды. Әлемнің 31 елінен мықтылар қатысқан дүбірлі додада еліміздің спортшылары 8 жүлдеге ие болса, оның үшеуі жерлестеріміздің еншісінде болды.
Атап айтсақ, 60 келі салмақ дәрежесінде ҚР халықаралық дәрежедегі спорт шебері Әліби Қалила мен спорт шеберіне үміткер Нұршат Аманқосов (75 келі) және спорт шебері, аралдық Әліби Болатұлы (80 келі) сынға түсіп, күміс жүлделерді иеленді.
Үш спортшы да Қазақстан құрама команда мүшелері, Ә.Қалила мен Ә.Болатұлы биылғы Азия чемпиондары.
Спортшыларды дайындаған бапкерлері: ҚР еңбек сіңірген жаттықтырушысы Олжас Акимов, Нұрбек Жармаханов және Қазыбек Алтруов.
Айтулы сайыста Қазақстан құрамасы жалпыкомандалық есепте -  екінші, Ресей - бірінші, Өзбекстан - үшінші орындарды еншіледі.
24 қараша 2017 ж. 1 889 0