Қазақстан ұлттық құрамасының екінші қарсыласы анықталды
23-30 наурыз аралығында Қазақстан ұлттық құрамасы Талғар қаласындағы базасында оқу-жаттығу жиынын өткізеді. Оның аясында екі жолдастық матч жоспарланған, деп хабарлайды Prosports.kz Қазақстан футбол федерациясының баспасөз қызметіне сілтеме жасап.27 наурызда Қазақстан құрамасы Алматыда Литва командасымен ойнайды, ал 30 наурызда Армения құрамасымен жолдастық кездесу жоспарланған.
Литва құрамасын 52 жастағы маман Валдас Урбонас жаттықтырады. Еуропа-2020 чемпионатының аяқталған іріктеу кезеңінде Литва құрамасы Украина, Португалия, Сербия және Люксембург командаларымен бірге В тобында өнер көрсетті. ФИФА рейтингісінде Қазақстан құрамасының болашақ қарсыластары 131-ші орында тұр.
