Өскен өңір Шиелi аудандық қоғамдық-саяси газет
» » Өзгерістер бойынша брифинг өткізілді

Өзгерістер бойынша брифинг өткізілді

Бүгін «Antikor» сервистік орталығында2020 жылғы 19 желтоқсанда «Қазақстан Республикасының кейбір заңнамалық актілеріне қылмыстық процесте азаматтардың құқықтарын қорғауды және сыбайлас жемқорлыққа қарсы іс-қимылды күшейту мәселелері бойынша өзгерістер мен толықтырулар енгізу туралы» Қазақстан Республикасының Заңына енгізілген өзгерістер бойынша брифинг өткізілді.
Брифингке Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті басшысының м.у.а Б.М.Ниязов, тергеу жұмысы бойынша басшының орынбасары Р.Ф.Яғмұсов және тергеуші Б.Б.Мырзахметов  қатысты.
Шара барысында Агенттіктің сыбайлас жемқорлыққа қарсы саясатты қалптастыруға уәкілетті орган ретіндегі, міндеті жемқорлықпен күресудің тиімді құқықтық негіздерін әзірлей мемлекеттік органдар мен ұйымдардың сыбайлас жемқорлықтың алдын-алудағы қызметін үйлестіре отырып, мұндағы басты бағдарлар – бұлар халықтың пікірі, құқық қолдану тәжірибесі, біздің еліміз ратификациялаған халықаралық құжаттардың ұсынымдары екендігі хабарланды.
Сонымен қатар Заңмен құқық қорғау органдары қызметкерлерінің, судьялардың, пара берушілердің және пара алуға делдалдардың сыбайлас жемқорлық қылмыстары үшін қылмыстық жауапкершілігі қатаңдатылды, сотталған сыбайлас жемқорларға шартты түрде мерзімінен бұрын босатуды қолдану алынып тасталды, шетелдік банктерде шоттарды иелену бойынша сыбайлас жемқорлыққа қарсы жаңа шектеу енгізілді, қылмыстық-атқару жүйесі мекемелерінде жемқорлардың ұстау шарттары өзгертілгендігі жөнінде ақпараттар таратылды.
25 желтоқсан 2020 ж. 235 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам