Шымкентте биыл күн күрт ысып, ағаштар ерте гүлдеді. Қалада әсіресе жеміс ағаштарының ішінде көктемді бірінші болып сезетін өріктер гүл ашты. Қазір қалада ауа температурасы +19... +24 градусқа дейін жетіп отыр. Ал түнде термометр көрсеткіштері шамамен +4...+9, кей жерлерде +1 градусты көрсетіп тұр. Синоптиктердің болжауынша, осындай жылы ауа райы наурыздың 19-на дейін сақталады. «19 немесе 20 наурыздан бастап жаңбыр күтілуде. Ауа температурасы жаңбырдың әсерінен төмендеуі мүмкін. Ол кезде бір қатты төмендейді деп айта алмаймыз. Онда да плюстік температура сақталады»,- дейді метеоролог Динара Айтмырзаева.
www.24.kz