Алдағы үш тәулікте еліміздің орталығында, солтүстігі мен шығыс аймағында найзағай ойнап, жаңбыр жаууы ықтимал. Дауыл тұрып, кейбір жерлерде бұршақ түседі деп болжанып отыр. Әсіресе сенбі, жексенбі күндері теріскейде толассыз жаңбыр жауады. Ауа температурасы қалыпты деңгейден 2-4 градусқа төмендейді. Ал өзге өлкелерде күн райы қалыпты болмақ. Сәуле Смағұлова, «Қазгидромет» РМК инженер-синоптигі: – Астана қаласы бойынша 25 тамызда жаңбыр, найзағай күтіледі. Бұршақ болуы мүмкін. Температура түнде 9-11, күндіз 14-16 градусты құрайды. 26 тамызда кей уақытта жаңбыр жауады, найзағай күтіледі. Түнде 8-10, күндіз 15-17 градус жылы болады. 27 тамызда жауын-шашынсыз ауа райы күтіледі. Түнде 8-10, күндіз 15-17 градус жылы болады.

24.kz