Майлытоғай аулындағы есепті кездесуде өзекті мәселе ретінде есірткі қылмысының ашылмай қалуы тілге тиек етілді. Сонымен қатар, облыс орталығына және аудан орталығына қатынайтын көлік мәселсесі шешімін тапса деген пікірлерін ортаға салды. Жиын соңында ауылда орын алған өрт оқиғасы кезінде көмек қолын созған Қ.Асановтың азаматтық ісін ескеруді ұсынды. Ауылдық емхана басшысы С.Дүйсенбекованың да өз саласы бойынша қалтқысыз қызмет көрсетіп келе жатқандығы ұмыт қалдырылмады. Көгілдір отын транзитінің де іргеден өтіп жатқандығын атап өткен тұрғындар, ертерек халық игілігіне берілсе екен деген ойларын да жасырып қала алмады.