Тайыр БАЙДҮЙСЕН, Еңбекші ауылдық округі әкімі аппаратының бас маманы:Биыл елімізде жастар жылының жария­лануы ерекше оқиға болды. Бұл үлкен бетбұрыс, жастарға біріншіден мүмкіндік, екінші жағынан жауапкершілік. Еліміздің болашағы да жастар, сондықтан, Елбасы бізге үлкен үміт артып отыр. Жыл бойы барлық салада жастарға қолдау болмақ. Әсіресе, шағын кәсібін ашамын деушілерге жақсы жағдай жасалуда.
Тәуелсіздік жылдарында көп жетістікке қол жеткіздік. Мемлекетіміздің нығая түсуіне мол үлес қосу үшін жастар енді бұрынғыдан да белсенді болуы керек. Ауыл – мемлекеттің тірегі, ұлтжандылық пен рухани күштің қайнар көзі. Биыл ауылдағы жастардың кәсіпкерлікпен айналысуына өмірі мен жұмысына қолайлы жағдай жасалмақ. Жастар жылы – жастардың өзін дамытуына үлкен мүмкіндік. Қазақта «Жас келсе – іске» деген сөз бар. Ақылды технология заманында ақыл да, тың идея да жастардан шығады. Ендеше, биылғы жыл жалаң сөз, жаттанды дүниеге құрылмай, жастардың нақты түйткілдерін шешетін жыл болғай. Еліміздің барлық жастарына тек сәттілік тілеймін!