Өскен өңір Osken-onir.kz ақпараттық агенттігі
» » Жастарға жол көрсеткен жазба

Жастарға жол көрсеткен жазба

Елбасының «Болашаққа бағдар: ру­хани жаңғыру» мақаласының түп мақсаты халыққа арналғанымен, соның ішінде жастарға деген үлесі басым. Биыл Тәуелсіздік алғанымызға 26 жыл толып отыр. Егемендікпен түйдей құрдас жас­тарымыз бүгінде атжалын тартқан азамат болып, ел тізгінін ұстайтын жасқа жетті. Сондықтан болар аталған мақаланың негізгі көзі жастардың көзін ашу, алға жетелеу. Мақалада кездесетін «бәсекелестік», «білім», «ғылым», «тұтастық», «ұлттық код» сынды сөздердің жастар үшін маңызы зор. Себебі, білімдінің мыңды жығар заманы келе жатыр. Сандық Қазақстанның болашағы келер ұрпақтың қолында. Себебі, ХХІ ғасырдың ұрпағы сандық әлемге етене енбесе, кеңестік кезеңнің дәмін татқан буынның икемі бірден келе бермейді. Басты талап меңгеру. Қай жағынан келсе де кез келген саланы жіті меңгере отырып, жұмыс жасау. Мақалада көрсетілген орындалу керек міндеттердің бәрі дерлік жастар алдында тұрған міндеттер. Тіл үйрену, қабілетті болу, ел үшін тер төгу. Елбасының бұған дейін де «Қазақстанның болашағы – жастардың қолында» деген сөзі де әлі ықпалын жоғалтқан жоқ. Тіпті бұл ұрпақтан-ұрпаққа жалғасын табатын дана сөз болып қалары анық. Жастардың билікке келуі, олардың сауаттылығы мен ел басқарудағы әрбір міндеттері маңызды рөл атқарады. Шалалыққа бармас үшін әрбір қазақстандық жас осы мақаладағы көрсетілген міндеттер мен тапсырмалар негізінде жұмыс жасауы керек.

Ақсамал Рысбаева,
«Жас Отан» ЖҚ-ның Шиелі аудандық бөлім басшысы.
21 желтоқсан 2017 ж. 1 312 0