«Нұр Отан» партиясының 20 жылдығына орай, бекітілген негізгі шаралар жоспарына сәйкес еліміздің шалғай орналасқан елді мекендерде «Азаматтарды көшпелі 20 қабылдауы» шарасы аясында Шиелі ауданы, Қарғалы ауылдық округінде азаматтарды көшпелі қабылдау өткізілді.
Көшпелі қабылдауға «Нұр Отан» партиясы Шиелі аудандық филиалының төрағасы, аудан әкімі Ә.Оразбекұлы, «Нұр Отан» партиясы Қызылорда облыстық филиалы қоғамдық қабылдау бөлмесінің меңгерушісі М. Баекеев және жергілікті мемлекеттік орган басшылары мен Аудандық жұмыспен қамту
орталығының мамандары, «Нұр Отан» партиясы депутаттық фракциясының мүшелері – мәслихат депутаттары, облыстық және аудандық кәсіпкерлер палатасының бизнес – менеджерлері, медициналық мекеме басшылары мен қызметкерлері, БАҚ өкілдері қатысты.
Шараның мақсаты: Тұрғындардың өзекті мәселелерін зерттеу, ҚР Президентінің «Қазақстандықтардың әл – ауқатының өсуі: табыс пен тұрмыс сапасын арттыру» атты Жолдауына, мемлекеттік және партиялық бағдарламарға түсіндірме жүргізу, тұрғындармен өзара байланыстың тиімділігін арттыру. 
Қабылдау барысында тұрғындарға тегін медициналық тексерулер мен қызметтер көрсетілді, кәсіпкерлік саласын дамыту мен басқа да мәселелер бойынша құқықтық кеңестер беру жүргізілді.

Шиелі Ауданы Әкімдігі ФБ парақшасынан