Өскен өңір Шиелi аудандық қоғамдық-саяси газет
» » ОҢТҮСТІКТЕ ЖОЛ ЖӨНДЕЛІП ЖАТЫР…

ОҢТҮСТІКТЕ ЖОЛ ЖӨНДЕЛІП ЖАТЫР…


2017 жылы Оңтүстік Қазақстан облысында 1543,3 шақырым жол мен 19 көпірдің жөндеу жұмыстары басталған болатын. Атқарылған жұмыстардың нәтижесінде былтыр өңірде 762,2 шақырым жол мен 19 көпір ел игілігіне тапсырылды. Ал қалған 781,1 шақырым жол биыл пайдалануға берілетін болады.  Аталған  мақсатқа облыстық  бюджеттен 27  млрд  269,2 млн. теңге бағытталса,  облыстық маңызы бар 51 нысанға 6,5 млрд теңге, аудан, қала әкімдіктеріне 417 нысанға 9,8 млрд теңге және Шымкент қаласының 112 нысанына 10,9 млрд. теңге бөлінген.  Бұл туралы облыстық жолаушылар көлігі және автомобиль жолдары басқармасы  мәлім етті.
Облыс әкіммінің баспасөз қызметі атап көрсеткендей, облыстағы автомобиль жолдары мен елді мекен көшелерінің жалпы ұзындығы 20 928,9 шақырымды құрайды. Оның 837 шақырымы республикалық, 4261,2 шақырымы облыстық, 1 642,7 шақырымы аудандық маңызы бар.  Бір ғана Шымкент қаласының өзіндегі көшелердің ұзындығы 2810,9 шақырымға жетеді.
Өткен жыл соңында жөндеу жұмыстары жүргізілген 51 нысанның 22-сі пайдалануға берілсе, қалған 29-ы 2018 жылға өтпелі болып отыр. 2016-2017 жылдар аралығын салыстыратын болсақ, автомобиль жолдары саласында барлық көрсеткіштер бойынша өсім байқалады. Атап айтқанда, нысан саны – 147,4 пайызға, шақырым ұзындығы – 158,5 пайызға, қаралған қаржы көлемі – 106,5 пайызға ұлғайған.
Өңір аумағындағы облыстық маңызы бар автомобиль жолдарының бойында 410 көпір бар. Оның 291-ы қанағаттанарлық жағдайда болса, 119 көпір жөндеуді қажет етеді. 2017 жылы соның 19-ы күрделі жөндеуден өткен. Оған қоса, 24 көпірде құрылыс-жөндеу жұмыстарын жүргізуге тиісті құжаттама әзірленуде. Қалған 77 көпір кезең-кезеңімен тиісті құжаттар әзірленіп, қалпына келтірілетін болады.
Айта кетейік, көпірлерді техникалық күтіп- ұстау жұмыстармен «Оңтүстік жолдары» мемлекеттік коммуналдық мекемесі айналысады.
Еркін ҚАЛДАН
05 қаңтар 2018 ж. 487 0

PDF нұсқалар мұрағаты

№80 (8731)

15 қазан 2019 ж.

№79 (8730)

12 қазан 2019 ж.

№78 (8729)

07 қазан 2019 ж.

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам