Мемлекет басшысының «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауы ел дамуының жаңа сатысын бағдарлайтын маңызды құжат екені белгілі. Онда жергілікті жерлерге көптеген функциялар мен өкілеттіктер берілуіне байланысты, аудандық және ауылдық өңірлердің қаржылық дербестігін нығайту керектігі тапсырылды. Қазынашылықтың негізгі функцияларының бірі – республикалық және жергілікті бюджеттің атқарылуы және оған кассалық қызмет көрсету, бюджеттің толық және уақытылы атқарылуын қамтамасыз ету.15 қараша – Ұлттық валютамыз, яғни, теңгеміз айналымға енгізілген күн. Тәуелсіздігіміздің нақты белгісі болып есептелетін – төл теңгеміз жиырма бес жыл бойы қазақ елінің, қазақ халқының, қазақ экономикасының дамуына қызмет етіп келеді. Яғни, бұл күнді қаржы саласы қызметкерлерінің мерекесі деуге болады. Қазақстан Республикасы тәуелсіздік алғаннан бастап қаржы саласы дамып, жетіліп келеді. 1994 жылы қаржы министрлігі жанынан қазынашылықтың бас басқармасы құрылды. Қазынашылық жүйесінің құрылғанына 24 жыл толды. Осы уақыт ішінде Қазақстан қазынашылығы еліміздің бюджет жүйесінің бір бөлігі ретінде қалыптасып, даму жолын өткеріп, мемлекеттік қаржыны басқару жүйесінде маңызды және беделді орынға ие болды. Ашықтық пен жариялымдықты қамтамасыз ету мақсатында қаржы саласындағы негізгі мемлекеттік органдарының бірі Шиелі аудандық қазынашылық басқармасы республикалық бюджетті атқару және жергiлiктi бюджеттердің атқарылуына қызмет көрсету, республикалық және жергілікті бюджеттердің атқарылуы бойынша операцияларды есепке алуды қамтамасыз ету саласында және мемлекеттік мекемелердің қолма-қол ақшаның тиісті бақылау мен шетел валюталар және де квазимемлекеттік секторларының субъектілері шоттары бойынша операцияларды өткізу салаларындағы тетіктерді жүзеге асыратын Қазақстан Республикасы қаржы министрлігі қазынашылық комитетінің аумақтық органы болып табылады.
Сонымен қатар, қазынашылық органдары «ORACLE» бағдарламасы негізінде жасалған қазынашылықтың біріктірілген ақпараттық жүйесінде жұмыс жасайды. Бірнеше жыл бұрын «Қазынашылық-Клиент» мемлекеттік мекемелер арасындағы электронды «құжат айналымы» жобасының тұсауы кесілген болатын. Бүгінде осы жоба аясында электронды қызмет түрін ұсынып келеді. Осы жобаның арқасында мемлекеттік мекемелерге қызмет көрсету уақыты қысқарды, қағазбастылық азайды, қаржылық құжаттарды өңдеу сапасы жақсарды. Операциялық және көліктік шығындар да төмендеді. Бюджеттік бағдарлама әкімшілері мемлекеттік мекемелер, квазимемлекеттік сектор субъектілері «Қазынашылық-Клиент» ақпараттық жүйесінің тұтынушылары болып табылады. Қазіргі таңда «Қазынашылық-клиент» ақпараттық жүйесі толықтай енгізілген, бұл жүйе арқылы нақты уақыт режимінде мемлекеттік мекемелердің және квазимемлекеттік сектор субъектілерінің қаржылық құжаттарын өңдеу бойынша қызмет көрсетілуде. Қаржы министрлігінің 2017-2021 жылдарға арналған стратегиялық жоспарына сәйкес қаржылық құжаттарды өңдеу уақыты жыл сайын қысқарып келеді. 2017 жылға дейін төлемге берілген шотты өңдеу 8 жұмыс сағатын құраса, 2017 жылы 7 сағатқа, ал, 2018 жылдан бастап 6 сағатқа дейін қысқарды. Стратегиялық жоспарда 2021 жылы 4 жұмыс сағатына дейін қысқарту көзделген. Яғни, электронды қызмет ұсынудан ұтпасақ, ұтыларымыз жоқ екенін аңғаруға болады.
«100 нақты қадам» Ұлт жоспарының 98 қадамын іске асыру шеңберінде ЖӨБ-тің IV-деңгейлі бюджетін енгізу 2-кезеңмен іске асырылуда. Алғашқыда, аудан бойынша 2018 жылдан бастап халық саны – 2000 адамнан астам елді-мекендер Шиелі кенті және 13 ауылдық округте IV-деңгейлі бюджет енгізілді. Ал, 2-кезеңде 2020 жылдан бастап халық саны – 2000 адамға жетпейтін қалған елді-мекендер енгізілетін болады. Қазынашылық жүйесіндегі жүйелі жұмыстармен танысу барысында әкімшілік-ұйымдастыру жұмыстары«SAP» бағдарламасы негізінде жасалған «е-Минфин»біріктірілген автоматты ақпараттық жүйесінде жүргізіледі. Бұл жүйенің «Бухгалтерлік есеп», «Персоналды басқару», «Қаржылық, бюджеттік есептерді жинақтау және біріктіру», «Құқықтық қамтамасыз ету» тектес көптеген модульдері бар. Автоматтандырылған жүйе ұйымдастыру бірліктерінің барлық буындарын тиімді басқаруға мүмкіндік береді. Ал, білікті, өз ісін жетік меңгерген қазынашылық қызметкерлері кәсібилігінің арқасында мемлекеттік қаржыны тиімді басқару және бюджеттің атқарылуына қызмет көрсету жолында жемісті жұмыстар жасауда.

Сайпырхан Ахметов,
аудандық қазынашылық басқармасының бас маман-бас қазынашысы.