Желтоқсанның алғашқы күндерінде Шиеліде ерекше жедел профилактикалық іс-шара басталды. Қызылорда станциясы ЖПб-не қарасты полиция қызметкерлері «Stop Traffic» акциясын өткізіп, қоғамдағы адам саудасы мен еңбекке мәжбүрлеу сияқты ауыр қылмыстардың жолын кесуге кірісті.

2025 жылдың 3–5 желтоқсан аралығында жүргізілетін шара барысында полиция қызметкерлері шаруа қожалықтары мен ауыл шаруашылық алқаптарынан бастап, қыстақтар, құрылыс нысандары, көңіл көтеру орындары мен қонақ үйлерге дейінгі аумақтарды тексеріп, еңбекке мәжбүрлеу, көрнеу жезөкшелік, жеңгетайлық, жаңа туған сәбилерді сату және сауда құрбандарын пайдалану сияқты құқық бұзушылықтарды анықтауда. Шиелі полиция бөлімінің бастығының міндетін атқарушы, полиция капитаны К. Ерниязовтың айтуынша, мұндай профилактикалық іс-шаралар қоғамдағы заңсыздықтың алдын алуға және азаматтардың қауіпсіздігін қамтамасыз етуге бағытталған маңызды қадам болып табылады.

Құқық қорғау органдары тұрғындардың қауіпсіздігі мен құқықтарын қорғау үшін әрқашан белсенді жұмыс істеуде. Әрбір азаматтың хабарламасы маңызды, себебі бірлескен күш-қуат арқылы қоғамда әділдік пен қауіпсіздік қамтамасыз етіледі.