2016 жылы «Мөлдір и К» толық серіктестігінің құс шаруашылығын дамыту мақсатында 165 млн. теңге инвестиция салынып құс фермасын іске қосты. Өңірлік инвестиция арқылы 10 млн. теңге қаражат алынды. Құс фермасына қажетті құрал жабдықтармен (ҚХР) қамтылған. Құс фермасына 2016 жылдың желтоқсан айында 12 мың бас жұмыртқа бағытындағы балапан әкелініп, 11 мың бас тауықтан, тәулігіне 10 мың дана жұмыртқа өндіріп келеді. Құс фермасының өндірген өнімінің арқасында аудандағы және облыс көлеміндегі жұмыртқа төмендеді.
2017 жылдың мамыр айында Оңтүстік Қазақстан облысынан тағы 12 мың бас балапан әкелініп, өнім көлемін арттыру бағытында, құс фермасын кеңейту мақсатында «Бизнестің жол картасы 2020» бағдарламасы арқылы екінші деңгейлі банктен 33 млн. 500 мың теңге қосымша қаражат алып, құс фермасының 2-цехы іске қосылды.
Бүгінгі күні, құс фермасында 10 адам тұрақты жұмыспен қамтылып, ТӘУЛІГІНЕ ӨНДІРІЛЕТІН ЖҰМЫРТҚА САНЫ 20 МЫҢ ДАНАҒА АРТТЫ. Кәсіпорында алдағы уақытта ет бағытындағы құс өсіруді жолға қойып, жылына 65 тонна құс еті өндірілетін болады деп жоспарлануда.

Шиелі Ауданы Әкімдігі ФБ парақшасынан