20 қазанға арналған ауа райы болжамы

Қызылорда, Ақмола, Қостанай, Жамбыл облыстарында жел, бұрқасын, жауын-шашын мен күннің салқындауына байланысты ескерту жарияланды.

“Қазгидромет” РМК мамандарының хабарлауынша, республиканың кей жерлерінде тұрақсыз ауа райы сақталады, жауын-шашын болады, батыста және оңтүстікте жауын-шашын болмайды. Кей жерлерде жел күшейіп, тұман, көктайғақ, бұрқасын болады.
Солтүстік Қазақстан, Қарағанды, Шығыс Қазақстан облыстарының кей жерлерінде тұман, көктайғақ болады, 15-20 м/с жел соғады.
Шығыс Қазақстан облысында бұрқасын болады.
Ақмола облысының кей жерлерінде тұман, көктайғақ, жаяу бұрқасын болады. Күндіз жел 15-20 м/с-қа күшейеді.
Алматы облысының кей жерлерінде тұман болып, жел 15-20 м/с-қа күшейеді. Қостанай облысының басым бөлігінде де жел 15-20 м/с-қа күшейіп, кей жерлерінде тұман болады.
Қызылорда, Атырау, Батыс Қазақстан, Павлодар облыстарында күн тұманды болады. Жамбыл облысында жел екпіні 23 м/с-қа дейін күшейеді.
20-21 қазан күндері Жамбыл облысының кей жерлерінде түнде 1-3 градус аяз болады.

https://baribar.kz/