Қазақстанның басым бөлігінде жауын-шашын жауып, көктайғақ болады

Атмосфералық фронттардың өтуіне байланысты Қазақстанның басым бөлігінде жауын-шашын жауады, тек батыста, оңтүстік-шығыста ауа райы жауын-шашынсыз болады, деп хабарлайды Baq.kz ақпарат агенттігі.
Республиканың кей жерлерінде жел күшейіп, тұман, көктайғақ, бұрқасын болуы мүмкін. Жамбыл облысының кей жерлерінде тұман, көктайғақ, желдің күшеюі 15-20 м/с, таңертең және күндіз екпіні 23-28 м/с жетеді. Қарағанды, Ақмола облыстарының кей жерлерінде тұман, көктайғақ, бұрқасын және жел 15-20 м/с күшейеді. Қызылорда, Солтүстік Қазақстан, Қостанай облыстарының кей жерлерінде тұман, көктайғақ, жел 15-20 м/с жетеді. Шығыс Қазақстан облысында түнде және таңертең тұман, көктайғақ, күндіз кей жерлерінде желдің күші 15-20 м/с болады. Оңтүстік Қазақстан облысының кей жерінде тұман, таңертең және күндіз жел 15-20 м/с күшейеді. Павлодар облысының кей жерлерінде желдің күшеюі 15-20 м/с, күндіз кей жерлерінде көктайғақ болады. Маңғыстау облысының кей жерлерінде тұман, күндіз жел 15-20 м/с күшейеді. Атырау, Батыс Қазақстан, түнде Алматы облыстарында тұман түседі.
Baq.kz