Қаңтар айының алғашқы онкүндігінде республикамыздың көп бөлігінде Сібір антициклоны болады. Түнде және таңертең айқын, орташа аязды ауа райы болжанады. Ауа температурасы түнде -5, -13°C, күндіз -0, -5°C аяз болады, деп хабарлайды “Қазгидромет” РМК сілтеп Stan.kz

Республикамыздың солтүстігінде және орталығында түнде -20, -25°C, шығыс жерлерде -30°C, күндіз -15, -20°C, шығыс жерлерінде 25 °C аяз болады.
Ал елдің оңтүстік және оңтүстік-шығысында атмосфералық қысымнан өтетін ауа райы тұрақсыз деп болжанады: жауын-шашын, тұман түсіп, көктайғақ болады. Түнде -3, -13°C, күндіз -0,-5°C аяз, оңтүстіктің кей жерлерінде +5 градусқа дейін жететін жылымық болжанады.
Ұзақ мерзімді болжауға сәйкес, ауаның температурасы төмендегідей:
Қазақстанның солтүстігінде түнде -25, -30°C, күндіз -20, -25 °C аяз болады; оңтүстігінде түнде -17, -22 градусқа дейін, күндіз -10, -15°C аязға дейін жетеді.
Сондай-ақ, қаңтардағы ауа температурасы климаттық мәндер бойынша болады. Тек елдің батысында нормалардан 1°C жоғары болады деп күтілуде. Атырау, Маңғыстау, Солтүстік Қазақстан, Ақмола, Павлодар, Шығыс Қазақстан, Қызылорда облысының көп бөлігі, Қостанай мен Қарағанды қалаларының солтүстігінде, Оңтүстік Қазақстан облысының таулы және тау бөктері аудандарында айына жауын-шашынның мөлшері Солтүстік Қазақстан, Атырау, Маңғыстау облыстарынан төмен болуы мүмкін.