Шиелі ауданының 90 жылдық мерейтойына арналған «ШИЕЛІ ШЕЖІРЕСІ» деп аталатын кітаптың тұсаукесері болып өтті.
Шиелі шежіресі кітабы Астана қаласы «Фолиант» баспасында 1000 данамен басылып шықты. Кітапта 1928 жылы құрылған қазіргі Шиелі ауданының 90 жылдығына арналған. Жинақ Сыр маржаны атанған Шиелі өңірінің аталған мерзімдегі өсіп-өркендеуі туралы ғана мағлұмат берумен шектеліп қалмай байтақ туған еліміздің бір өңірі Шиелінің қилы да даңқты шежересін Отанымыздың бағзы заманнан бастап бүгінгі Тәуелсіздік тарихымен табиғи байланыстыра баяндайды. Аңсаған Тәуелсіздік, осы жылдардағы даму, ел келешегі – кітаптың өзегі. Жинақтың Шиелі тарихына ден қоятын зертеушілер үшін берер мәлімет аз емес.