«Нұр Отан» партиясы Шиелі аудандық филиалында «Менімен қазақша сөйлес» партиялық акциясы аясында қоғамдық қабылдау өтті.
Қабылдау барысында «Нұр Отан» партиясы Шиелі аудандық филиалы төрағасының бірінші орынбасары Патима Шаймерденқызына Шиелі ауданы, Ақмая ауылдық округінің тұрғыны Лян Светлана мемлекеттік тілде сөйлеп, өз өтінішін білдірді.
Партиялық акцияның мақсаты Қазақстанда тұратын барлық этностардың тілдерін сақтай отырып, ұлт бірлігін нығайтудың маңызды факторы ретінде мемлекеттік тілдің толық ауқымда қолданылуын қамтамасыз ететін мемлекеттік тіл саясатын іске асыру болып табылады.