Жазғы тынығу лагерінде жаңа Заң таныстырылып, құқықтық түсіндіру жұмыстары жүргізілді

1 шілде – Конституцияның күшіне енуіне байланысты “Сыр ұланы” жазғы тынығу лагерінде оқушылардың құқықтық сауаттылығын арттыруға бағытталған ақпараттық-түсіндіру шарасы ұйымдастырылды. Іс-шара барысында қатысушыларға жаңа Заңның негізгі мақсат-міндеттері, басты қағидаттары мен маңызды баптары кеңінен түсіндірілді. Мамандар заң талаптарының қоғамдағы маңызына тоқталып, әрбір азаматтың құқықтары мен міндеттері жөнінде жан-жақты мәлімет берді. Кездесу барысында балалар заң талаптарын күнделікті өмірде сақтау, құқықтық мәдениетті қалыптастыру және жауапкершілікті сезіну мәселелері бойынша өз пікірлерін білдіріп, көкейлеріндегі сұрақтарына жауап алды.  Сондай-ақ интерактивті сұрақ-жауап ұйымдастырылып, қатысушылардың құқықтық білімін нығайтуға басымдық берілді.

Мұндай кездесулер жас ұрпақтың құқықтық сауаттылығын арттырып, заңға құрметпен қарауға, азаматтық жауапкершілікті қалыптастыруға және құқықтық мәдениетті дамытуға ықпал етеді.