2025 жылы еліміздің травматологиялық қызметі 3 миллионнан астам адамға медициналық көмек берген, деп хабарлайды Egemen.kz. 

Тегін медициналық көмектің кепілдік берілген көлемі (ТМККК) және МӘМС шеңберінде шұғыл және жоспарлы араласуды қоса алғанда, жыл сайын шамамен 130 мыңнан астам операция жүргізіледі.

2025 жылы буындарды ауыстыру бойынша 20 мыңға жуық операция жасалды, оның ішінде 19 мыңға жуығы – бастапқы операциялар. Соңғы 5 жылда эндопротездеу көлемі шамамен 50%-ға өсті, бұл халық үшін жоғары технологиялық ортопедиялық көмектің қолжетімділігінің өскенін тікелей көрсетеді.

Денсаулық сақтау министрлігі баспасөз қызметінің мәлімдеуінше, жоғары технологиялық медициналық көмектің (ЖТМК) тұрақты көлемі де сақталады. 2025 жылы мұндай көмекке 1,5 мыңнан астам адам жүгінген, оның ішінде: 300-ден астам омыртқа операциясы, 1000-нан астам ревизиялық эндопротездеу, үлкен буындарға 4,5 мыңнан астам артроскопиялық операция орындалған.

Бұл араласулардың барлығы мамандардың жоғары біліктілігін, заманауи жабдықтарды және клиникалық стандарттарды қатаң сақтауды талап етеді және МӘМС және ТМККК шеңберінде тегін жасалады.

Негізгі жүктеме дәстүрлі түрде елдің жетекші бейіндік орталықтарында, соның ішінде Ұлттық травматология және ортопедия ғылыми орталығында шоғырланған.

Сонымен қатар, медицина технологиялық тұрғыдан дамиды. Клиникалық практикаға кезең кезеңімен енгізілетіндер:

Сонымен қатар өңірлік травматологиялық қызмет күшейтіліп жатыр. Өткен жылы жаңа травматологиялық бөлімшелер мен пункттер ашылып, өңірлік орталықтарды қалыптастыру басталды. Тек 2025 жылы ғана ҰҒТОО мамандары өңірлерден келген дәрігерлер үшін 200-ден астам онлайн-консультация мен оқыту іс-шарасын өткізді.

Бұл күрделі және қымбат травматологиялық-ортопедиялық көмекті тек республикалық орталықтарда ғана емес, пациенттердің тұратын жеріне жақын жерде де қолжетімді етуге бағытталған жүйелі және дәйекті жұмыс.

Қазақстанда жүйені нығайту және қолжетімділікті кеңейту арқылы заманауи травматология мен ортопедия дамып келеді.