Мерекелік кеш шымылдығы Шиелі ауданының қолөнершілері дайындаған этно-шығармашылық көрмемен ашылды. Қала тұрғындары мен қонақтары ұлттық нақыштағы бұйымдарды, зергерлік және тұрмыстық қолөнер туындыларын қызығушылықпен тамашалады.

Көрмеден Шиелі шеберлерінің қолтаңбасы мен бай мұрасын танытатын дүниелер көптеп орын алды. Бұл көрме ауданның мәдени әлеуетін, ұмыт бола бастаған ұлттық өнер мен дәстүрге деген құрметті тағы бір мәрте айқын көрсетті.