Бүгін «AMANAT» партиясы Шиелі аудандық филиалы жанындағы партиялық бақылау комиссиясы Шиелі кентінде жаңадан салынып жатқан 200 орындық Оқушылар үйі мен 50 орындық өнер мектебін салу. байланыстыру құрылысының жұмысымен танысты. Мониторинг жұмысына «AMANAT» партиясы Шиелі аудандық филиалының төрағасы Болат Сыздық, Партиялық бақылау комиссия төрағасы Н. Мырзабеков, облыстық мәслихат депутаты Д. Жұмбеков және комиссия мүшелері қатысты.

Комиссия мүшелері мердігер мекеме басшылығына аталған нысан жанынан партиялық бақылау бекетін ашу қажеттігін айтып, ұсыныс-пікірлерін жеткізді.  Бұл «AMANAT» партиясының сайлауалды бағдарламасына енген негізгі жобалардың бірі.

Тапсырыс беруші: «Қызылорда облысының құрылыс, сәулет және қала құрылысы басқармасы» КММ;  Жоба құны: 1 млрд 200 млн теңге; Аталған нысанның бас мердігері: «СМП-Қызылорда» ЖШС. Техникалық қадағалаушы: «Достар Строй Групп» ЖШС; Жоба авторы: «Градархпроект» ЖШС; Құрылыс жұмыстары 2025 жылдың ақпан айында басталып 2025 жылдың қыркүйек айында пайдалануға беру жоспарлануда. Айта кету керек: Құрылыста 50 адам жұмыс жасайды, 70%-ы жергілікті Шиелі кенті, Шеген Қодаманов, Бала би және Бәйгеқұм ауылдарының азаматтары еңбек етуде.