Аудан әкімі Айтбай Жандарбеков - Мадина Асанбекқызы мен Қожахмет Нұрмантайұлын, құрметті зейнет демалысына шығуымен құттықтап, ауданымыздың әлеуметтік-экономикалық өсіп-өркендеуі мен ұзақ жылғы қажырлы еңбектері үшін алғыс білдірді. Одан соң ауданның Құрмет грамотасымен марапаттап, қазақы дәстүрмен шапан жапты. Мадина Асанбекқызы 1964 жылы 14 наурызда Шиелі ауданы, Бала би ауылында дүниеге келген. 1986 жылы Алмалы елді мекенінде орналасқан №181 орта мектептің химия пәні мұғалімі болып жұмысқа орналасып білім саласында 39 жылдан аса еңбегі бар білікті де, білімді, өз саласында мінсіз қызмет атқарған маман. 2004 жылдан бастап Алғабас елді мекенінде орналасқан №157 орта мектебінің директоры, Ақтоған елді мекенінде орналасқан №155 Д.Шыныбеков атындағы орта мектебінің директоры, Алмалы елді мекенінде орналасқан № 181 орта мектеп директоры қызметін абыроймен атқарды. Қожахмет Нұрмантайұлы 1962 жылдың 1 наурызында қарапайым отбасында дүниеге келді. Қазіргі таңға дейін «Шиелі-Сұңқар» филиалыны директорының өндіріс жөніндегі орынбасары қызметін атқарып келді. Компания басшылығы нәтижелі еңбегі мен тәжірибесін бағалап, Қожахмет Нұрмантайұлын 2020 жылы директордың өндіріс жөніндегі орынбасары лауазымына тағайындады. Қажырлы еңбектің нәтижесінде атом саласының екінші дәрежелі еңбек сіңірген қызметкері.