Аудан әкімі Айтбай Жандарбеков елді мекен тұрғындармен кездесулерде айтылған ұсыныс-пікірлерді әрдайым ескеріп, халықтың әлеуметтік-тұрмыстық мәселелерінің кезең-кезеңімен шешілуін назардан тыс қалдырмайды. Осындай жүйелі жұмыстардың нәтижесінде Ш.Қодаманов елді мекенінде ыза суын болдырмау мақсатында К-3 қашыртқысының р-12 каналы мен қиылысқан жерінде орналасқан трубаларды (дюкер) қашыртқы суларын тазалау жұмыстары жүріп жатыр. Трубаларды тазалау жұмыстарына аудан әкімі Айтбай Жандарбеков, «Қызылордасушар» филиалының директоры Роллан Ахметов, Облыстық мәслихат депутаты Дәулет Жұмбеков, «Шиелісушар» өндірістік учаскесінің басшысы Дихан Әубәкіров және елді мекен ардагерлері қатысып, жүйелі жұмыстардың куәсі болды. Ауыл ардагерлері халықтың өтініш-тілектерін жерде қалдырмай, игілікті іс жасағаны үшін алғыстарын айтып, ризашылықтарын білдірді.