Баяғыда бір кішкентай ауылда Аян есімді жігіт өмір сүріпті. Аян өте ақылды, елгезек әрі арманы асқақ жігіт екен. Ол дәрігер болып, адамдарға көмектесуді армандапты.

Бір күні Аян орманға отын жинауға барады. Сол кезде қара киімді, жымысқы жүзді бір адам жолын тосып:
– Жас жігіт, сенің өміріңді бақытқа толы ететін ерекше затым бар. Мұны бір рет ішсең, шаршағаныңды ұмытып, бүкіл қиындықтарыңды жеңілдетесің! – дейді.

Аян күмәнданса да, “Бір рет байқап көрсем, ештеңе болмас” деп ойлап, белгісіз ұнтақты қабылдайды. Сол сәтте өзін жеңіл әрі қуатты сезінеді. Бірақ бұл сезім ұзаққа бармады. Ертесінде Аян өзін әлсіз, көңілсіз, тіпті ашушаң сезінді.

– Мен қайтадан сол сезімді қалаймын! – деп Аян әлгі адамды қайта іздейді. Бірақ уақыт өте келе Аян сол затқа тәуелді болып, армандарын ұмытып, достарынан, отбасынан алыстайды. Денсаулығы нашарлап, бұрынғыдай күш-қуаттан айырылып қалады.

Бір күні ауылға дана қария келіп:
– Балам, бұл – Есірткі деп аталатын у. Ол адамдардың өмірін жалмап, денсаулығын бұзады, – деп ескертеді.

Аян өз қателігін түсініп, есірткіден бас тартуға шешім қабылдайды. Ол үшін үлкен күш, шыдамдылық пен көмек қажет болды. Бірақ Аян берілмей, өз өмірін қайта жолға қойып, арманына жетуге талпынады. Уақыт өте келе ол дәрігер болып, ауыл тұрғындарына көмектесіп, есірткінің зияны туралы айтып жүреді.

Содан бері ауылда бәрі “Бақыт – удан емес, еңбектен туады” деген сөзді есте сақтапты.

Қызылорда облысы, Шиелі ауданы
№244 Ы.Жақаев атындағы орта мектеп
9 «Ә» сынып оқушысы Батырханұлы Сырым