Сот процестеріне қашықтықтан қатысу

 Еліміздің даму бағытын айқындайтын «Қазақстан-2050» стратегиясында тәуелсіз әрі әділ сот билігін қалыптастырудың жаңа міндеттері белгіленген. Атап айтқанда, соттар мен судьяларды одан әрі мамандандыру, солар арқылы халықтың сотқа деген сенімін нығайта түсу, қазылар біліктілігін көтеру, материалдық техникалық базаны жаңарту, сала жұмысына электронды ақпараттық технологияларды енгізу, т,б. осы секілді маңызды мәселелер қамтылды. Қазақстанның озық мемлекеттермен терезесін теңестіруі басты мақсат десек, көздеген межеге жетуде елімізде барлық мүмкіндік қарастырылған. Әсіресе бұлар заңнамалық тұрғыда нығаюда. Ресми ақпараттарға сүйенсек, бүкіл әлемдік экономикалық форумның жаһандық қабілеттілік индексіне сай базалық көрсеткіші ең бірінші соттардың тәуелсіздігі, халықтың оған деген сенімі мен меншік құқығын қорғауымен бағаланады екен. Демек, азаматтардың құқықтары мен бостандықтарын әділ қорғауда қашанда ашықтық пен қолжетімділіктің маңызы зор.

           ҚР Жоғарғы Соты «Сот жүйесінің жеті түйіні» бағдарламасы аясында «SMART сот» пилоттық жобасын іске қосты. Осы жоба жұртшылыққа сот процесіне қашықтықтан қатысуға мүмкіндік беріп, оңтайлылығын көрсетуде. Қазіргі кезде «TrueConf», «Zoom», «Skype», «WhatsApp» және басқа да байланыс құралдарының көмегімен бейнебайланыс арқылы жүргізілуде. Қазіргі күні сот процестерін қосымша уақыт пен қаражат шығындамай-ақ қашықтықтан бейнеконференц байланысарқылы өткізу қалыпты жағдайға айналды. Бейнебайланыс арқылы прцеске қатысу үшін смартфон, планшеттік компьютер, тіпті смарт сағат көмегіне де жүгінуге болады. Тек арнайы бағдарлама жүктелуі керек.

         Жалпы, алғанда сот жүйесіне енгізілген барлық ақпараттық-инновациялық технологиялар азаматтар мен заңды тұлғалардың сот қорғауына өз құқықтарын барынша ашық және ыңғайлы іске асыруға мүмкіндік береді. Сонымен бірге сот ісін жүргізуді жеңілдетеді, төрешілдік кедергілерді қысқартады, сот органы қызметкерлерінің азаматтармен байланысын азайтады. Бұлар өз кезегінде халықтың сотқа деген сенімділігін одан әрі нығайта түседі.

Г.С.Косжанова

Шиелі аудандық сотының бас маман

сот отырысының хатшысы