Таяуда аудан әкімі Айтбай Жандарбеков аудан әкімдігінің мәжіліс залында халықаралық жарыстарда жүлделі орындарды иеленген аудан спортшыларын қабылдап, марапаттады. Аудан басшысы қабылдауда ауданның мерейін асқақтатқан жас спортшыларды жарқын жеңістерімен құттықтап, арнайы құрмет көрсетті. 

– Байрақты бәсекелерде көк Туымызды көкке көтеріп, Әнұранымыздың асқақ шырқалуы мына отырған сіздердің талмай жаттығып, мақсатқа жету жолындағы маңдай терлеріңізбен келеді. Мен аудан әкімі ретінде де, әкімдік тарапынан да әрдайым қолдау білдіремін. Біз сіздердің жеңісті жолдарыңызға жол ашамыз және сіздердің жеңіс жолдарын жаңғыртып, аудан абыройын асқақтата беретіндеріңізге сенемін. Еліміздің мерейін асырып, абыройын тасытатын өздеріңізге мұқалмас жігер мен қажымас рух тілеймін, – деді А.Насриддинұлы. Естеріңізге сала кетсек, 10-13 қараша күндері Ресей мемлекеті Қазан қаласында өткен жасөспірімдер арасында белбеу күресінен әлем біріншілігінде Наурызбай Сәдібеков 71 кг салмақта күміс жүлдегер атанса, 50 кг салмақта Бақдәулет Төлепов Әлем біріншілігінің қола жүлдегері атанған болатын. Сондай-ақ 8-11 қараша күндері аралығында Өзбекстан Республикасының Ташкент қаласында өткен ересектер арасында аралас ІММА жекпе-жектен Әлем чемпионатында 88 кг салмақ дәрежесінде Абылай Шәкірбеков күміс жүлдемен елге оралды.

А.МАҚСҰТҚЫЗЫ