Дүйсенбі күні аудан әкімі Нұржан Ахатов Өзбекстанның Наманган қаласында өткен белбеу күресінде әлем чемпионы атанған ­Жандос Шәкенұлын қабылдады.
Аудан әкімі әлем біріншілігінде көк туымызды желбіретіп, Әнұранымызды әуелеткен Жандосты жеңісімен құттықтап, ыстық ықыласын білдірді. Жандос та аудан әкіміне алғысын айтып, алдағы уақытта бұдан да зор жетістіктерге ұмтылатынын жеткізді.

Айта кетейік, Шиелі кентінің тумасы Жандос Әбубәкіров белбеу күресінен Қызылорда облысынан шыққан тұңғыш әлем чемпионы. Осы уақытқа дейін ол ересектер және жастар арасында Қазақстан біріншілігінің чемпионы, белбеу күресінен жастар арасындағы әлем чемпионы, Халықаралық дәрежедегі спорт шебері атанған. Бұл жолы Жандос 8-11 қыркүйек күндері Өзбекстанда өткен ересектер арасындағы белбеу күресінен әлем біріншілігінде бақ сынап, 57 келі салмақ дәрежесі бойынша әлем чемпионы атанған болатын.