Өскен өңір Osken-onir.kz ақпараттық агенттігі
» » ҚАЛАМ ҰСТАҒАН ЖАНДАРҒА ҚҰРМЕТ КӨРСЕТІЛДІ

ҚАЛАМ ҰСТАҒАН ЖАНДАРҒА ҚҰРМЕТ КӨРСЕТІЛДІ

Аудан әкімінің орынбасары Болатбек Ысмағұлов «28 маусым – Бұқаралық ақпарат құралдарының» қызметкерлерінің төл мерекесіне орай журналистика саласының ардагерлерімен, жергілікті басылымда қызмет жасап жүрген тілшілер қауымының қатысуымен өткен шараға қатысып, кәсіби мерекелерімен құттықтады.
Шараға аудандағы журналистер қауымы мен сала ардагерлері, аудандық «Өскен өңір», аймақтық «Шарайна-Сейхун» газеті редакциясының ұжымдарының қызметкерлері қатысты.
Мерекелік кеште Болатбек Ысмағұлов құттықтау сөз сөйлеп, журналистер қауымының бүгінгі қоғамдағы атқарып жүрген елеулі еңбектерін атап өтті. Сондай-ақ, "Сыр бойы" газетін 95 жылдық мерейтойымен, аудандық "Өскен өңір" газетін 85 жылдық белесімен құттықтады.
Жиын барысында ардагер-журналист, Шиелі ауданының құрметті азаматы Өркен Имсаил баспасөз саласына қатысты өз ой-пікірін ортаға салып, құрмет көрсеткен аудан басшылығына алғысын айтты.
Кездесуде ауданымыздағы жаңалық жаршысына айналған жандарға ақпарат саласындағы еселі еңбектері үшін құттықтау хат табысталды. Одан бөлек, ауданның мәдени-қоғамдық өміріне белсене араласып, оқырман жүрегіне жол таба білген ардагер-журналистерге сый-құрмет көрсетілді. Мерекелік басқосу соңы аудан өнерпаздарының және журналистердің әншашуына ұласты.
01 шілде 2024 ж. 209 0