САНИТАРЛЫҚ ТАЛАПТАРДЫ САҚТАУ ЖӨНІНДЕГІ СЕМИНАР
![](/uploads/posts/2024-06/medium/1719569671_449453215_7530438497084957_1526167800346055243_n.jpg)
Семинардың мақсаты - балаларды сауықтыру ұйымдарына, лагерь асханасына, тағам өнімдерін тасымалдауға, өңдеу, дайындауға, сақтауға қойылатын санитарлық-эпидемиологиялық талаптармен лагерь қызметкерлерін таныстыру.
Балалардың жеке гигиенасы, медициналық тексеріп-қарау, гигиеналық оқытуға қойылатын талаптарымен таныстыру.
Семинарға облыстық санитариялық-эпидемиологиялық бақылау департаментінің білім беру және тәрбиелеу обьектілерін бақылау және қадағалау бөлім басшысы Шуахбаева Алма Көшербаевна, жергілікті СӨСҚ саласының дәрігері Аширова Лаура Қасымбековна, аудандық көп бейінді аурухананың инфекционист дәрігері Жуманазарова Индира Болатовна, Шиелі ауданы бойынша білім бөлімінің бас маманы Бөпежанов Талғат Уалиханұлы және де аудандық санитариялық-эпидемиологиялық бақылау бөлімінің мамандары қатысты.
Шара барысында аталған мамандар сала бойынша тиісті ақпараттар ұсынып, талаптарды сақтау жөнінде қатаң ескертті.
Сонымен қатар, тамақтан уланудың алдын-алу жөнінде арнайы буклеттер, плакаттар таратылды.
Шара соңында қонақтар лагерь жұмысымен танысып, қызметкерлер арасында гигиеналық мәселелер бойынша түсіндірме жұмыстарын жүргізді. Әдістемелік-тәжірибелік көмек көрсетті.