Әсіресе, жастардың кәсіпкерлікке ықыласы ерекше екені көңіл қуантады. «Жас келсе, іске» демекші, уақытты босқа өткізбей, тәуекелге бел байлайтын жастарды көргенімізде марқайып қалатынымыз рас. Солардың бірі – Нұрхан Алмасұлы. Бүгінде ол үйдің қасбетін әрлейтін фибробетон өнімдерін шығарумен айналысады. 25 жастағы жас кәсіпкер «Ауыл аманаты» бағдарламасы бойынша 2,5 пайызбен 8 млн 600 мың теңге несие алып, жұмысын наурыз айында бастаған. Расында ескіні жаңа етіп, ғимараттарды ажарландыра түсетін түрлі-түсті панель жабындыларға сұраныс өте жоғары. Аудан тұрғындарының көпшілігі Нұрханды жиі іздеп келеді. Себебі өз ісіне, тиянақты, жауапкершілікпен қарайды. Ендігі мақсаты – кәсібін өркендетіп, алдағы уақытта аудан орталығынан үлкен цех ашуды жоспарлап отыр. Оның айтуынша, осы уақыт ішінде 10 нысанды фебробетонмен қаптап шыққан. Сондай-ақ үйінің ауласында ашылған цехта 2 адамды жұмыспен қамтып отыр.

– Жалпы фибробетонды дайындау – ерітіндіні арнайы формаларда араластыру процесінде талшықты біркелкі созатын қуатты электромагниттің көмегімен жүзеге асырылады. Материалдың негізгі бағасы – 2500 теңге. Жарамдылық мерзімі – 30 жыл. Өнімді өндіргенде оның сапалы болуына және құрамындағы заттарына аса мән беріп қараймын, – дейді кәсіпкер.

Осылайша еңбекке, сүйікті ісіне жанын арнаған нағыз еңбекқор Дәулет халыққа пайда тигізуі үшін аянбай тер төгуде. Ерекше кәсіпті шыр айналдырып отырған кейіпкеріміздің іскерлігі көпшілікке үлгі болары сөзсіз.