Жұма күні жаңа кітаптың тұсауы кесілді. Биыл №40 А.Қыраубаева атындағы мектеп ғасыр тойын тойлауда. Ең алғаш іргетасы 1922 жылы қаланған қара шаңырақ бастапқыда «Сары шығанақ» бастауыш мектебі болып құрылған. Бертін келе филология ғылымының докторы А.Қыраубаеваның есімі берілді.
Мерейтойға «AMANAT» партиясы Шиелі аудандық филиалының атқарушы хатшысы Б.Сыздық, аудандық білім бөлімінің басшысы Ж.Баймұратова, облыстық мәслихат депутаты Д.Жұмбеков және аудандық мәслихат депутаты, мектеп түлегі Дихан Әубәкіров қатысты. Торқалы тойға аудандағы ақын, жазушылар мен ардагерлер, сан салада жүрген мектеп түлектері де келді. Салтанатты шарада 100 жылдық тарихын таңбалаған «Жүз жылдағы жаңару» атты кітаптың тұсауы кесілді.