8 наурыз – барлық нәзік жандыларға арналғанең жүрекке жылы тиетін елеулі күн. Әйел затының мәртебесін айқындай түсетін көгілдір көктемнің жарқын мерекесі ер адамдардың назарынан ешқашан тыс қалмайды. Осы орайда аталмыш мереке қарсаңында кент әкімшілігінің бас мамандары мен аудан ардагерлері қазір төсек тартып жатқан, аудандағы жасы үлкен әйел ардагерлерге құрмет көрсетіп, сыйлықтар табыстап, мерекемен құттықтап қайтты.
Зиялы жандардың бастауымен жүзеге асқан бұл игілікті іс ақ жаулықты абзал аналардың мерейлерін үстем етіп, көңілдерін аулауға үлкен сеп болды. Айтулы күні құрметке бөленген нәзік жандылардыңқатарында бүгінде халықтың қадірлісі, әулетінің ардақтысы болып отырған 36 ардагер әйел-ана бар. Бұл жандар – әуелі қайсар болмысты әйел заты, бүгінде бір отбасының ғана емес, бір елдің анасына айналған, қайсысы болмасын еліне риясыз қызмет етіп, еңбегі сіңген, ­жомарт жүректерінен жылу төгілген асыл жандар, ардақты тұлғалар. Сондықтан оларға көрсетілетін құрмет пен айтар алғыс шексіз болуға тиіс.

«Қарттарымыз – қазынамыз» дейтін халықпыз. Даналық пен өмір тәжірибесінің қайнар көзіне айналған, ақ жаулығын кір шалмаған ардагерлердің көңілі алтыннан қымбат. Оларды құрмет төріне шығарып, жүздеріне қуаныш сыйлаған мереке қарсаңындағы бұл көңіл толқытарлық іс те көпке үлгі боларлықтай.