8 наурыз – Халықаралық әйелдер күніне орай аудандық мәдениет үйінде "Әйел тіршіліктің шырайы, отбасының шырағы" атты салттанатты концерт өтті. 

Мейірімділік пен сұлулықтың, даналықтың және рухани қуаттылықтың салтанат құрған күні шиелілік аяулы аналар мен қыз-келіншектер ерекше құрметке бөленді. Мерекелік кеште нәзік жанды әйел қауымын үлкен қуанышқа бөледі. Айтылған ізгі тілектер мен шырқалған әннің бәрі-бәрі бұл күні асыл ана, адал жар, аяулы апа-қарындастар тақырыбында болды. 
Аудан әкімінің орынбасары А.Есмаханов нәзік жанды әйелдер қауымын шуақты мерекемен құттықтады. Түрлі салада белсенділігімен, адал еңбегімен көзге түскен қыз-келіншектер аудан әкімінің алғыс хатымен марапатталды. Сондай-ақ, залда отырған еңбек ардагерлеріне де сыйлықтар үлестірілді.

Шиелі Ауданы Әкімдігі  фейсбук парақшасынан