Аяқ судан тапшылық болмасын
Егіннің бітік шығуы тікелей аяқ суға байланысты. Ал ақ күрішін негізгі брендке айналдырған Шиелі халқы үшін аяқ судан тапшылық болмағаны маңызды. 2022 жылы елді мекендерді аяқ сумен қамтамасыз ету мақсатында «Облыстық табиғи ресурстар және табиғат пайдалануды реттеу басқармасының» тарапынан Қоғалы ауылдық округіне 1 дана дизельді және Жөлек ауылдық округіне 1 дана электрлі насос қондырғысы берілген. Сонымен қатар, ауданға қазіргі таңда Облыстық«Қазсушар» ШЖҚ РМК-ның Қызылорда филиалы тарапынан 6 дана электорлы және 3 дана дизельді насос қондырғылары«Шиелі сушаруашылығы» мекемесіне берілді.Аудандық ауыл шаруашылық бөлімінің мәліметіне сүйенсек биылғы жылы су тапшылығын болдырмау мақсатында Шиелі ауданы бойынша шаруашылық аралық каналдар тазаланды. Атап айтқанда: 0-1 каналы ұзындығы 10 км , 0-2 каналы ұзындығы 3.8 км, Р-8 каналы ұзындығы 10 км, Р-10 каналы ұзындығы 8 км, Р- 7 каналы ұзындығы 18 км тазаланып толығымен аяқталды. Сонымен қатар Жаңа Сұлутөбе каналы ұзындығы 27 км болатын каналдың және Жаңа Бестам ұзындығы 10.3 км каналдың тазалау жұмыстары толығымен аяқталған. Қазіргі таңда аудан бойынша шаруашылық аралық каналдар, барлығы 87,1 км болатын каналдың қазу, тазалау жұмыстары толығымен біткен.
Су жолдарын тазарту
Шиелі ауданы бойынша бүгінгі таңда шаруашылық аралық каналдарды қазу жұмыстарының жоспары - 271 мың м³ ал нақтысы 13 мың м³ болып 5% ды құрап отыр. Сонымен қатар, ішкі шаруашылық каналдар бойынша жоспар – 115 мың м³, нақтысы 7 мың м³ болып 5% ды көрсетеді. Шиелі ауданы бойынша бүгінгі таңда 3 дана насос қондырғылары жөндеуді қажет етеді. Сонымен қатар, 24 гидробекеттерді жөндеу жоспарда бар.
